Úrslit yngri flokka í körfubolta eru um helgina og eiga Haukar þrjú lið. Unglingaflokkur karla, Stúlknaflokkur og 9. flokkur kvenna verða í eldlínunni.
Í kvöld kl. 20.30 spila strákarnir í unglingaflokki við FSu og það lið sem vinnur mætir annað hvort Keflavík eða Fjölni í úrslitum kl. 18.00 á sunnudag.
Á morgun laugardag spila stelpurnar í 9. flokki kvenna kl. 12.00 að hádegi gegn Keflavík. Ef þær vinna þá mæta þær annað hvort UMFG eða UMFN í úrslitum kl. 12.00 á sunnudag.
Loks eru það stelpurnar í Stúlknaflokki sem spila kl. 20.15 annað kvöld gegn Keflavík og það lið sem vinnur mætir annað hvort Snæfelli eða UMFN á sunnudag í úrslitum kl. 16.00.
Allir leikirnir fara fram í DHL-höll KR-inga.
Úrslitaleikirnir verða sýndir í beinni á KRtv á sunnudag.