Meistaraflokkur karla í Haukum mæta Víking R. í annarri umferð Lengjubikarsins í knattspyrnu á sunnudaginn kl. 18.15 en leikurinn fer fram í Egilshöllinni. Okkar strákar gerðu jafntefli við KR sl. sunnudag þar sem Aron Jóhannsson jafnaði metin úr vítaspyrnu í lok leiks.
Meistaraflokkur kvenna í Haukum mætir Grindavík á þriðjudaginn í þriðju umferð Faxaflóamótsins. Leikurinn hefst kl. 19.30 og fer fram á Ásvöllum. Okkar stúlkur sigruðu lið Skínanda í síðustu umferð þar sem Logey Rós Waagfjörð gerði mark Hauka.
Fjölmennum í Egilshöllina á sunnudag og á Ásvelli á þriðjudag hvetjum okkar lið til sigurs.
Áfram Haukar!