Stelpurnar spila við Grindavík á útivelli á laugardaginn kl. 18:00 og þetta er gríðarlega mikilvægur leikur og því hvetjum við Haukafólk til að gera sér ferð suður með sjó, til Grindavíkur og hvetja stelpurnar til sigurs.
Haukarnir lágu á heimavelli i fyrsta leik eftir að hafa leitt leikinn alveg fram undir lok fjórða leikhluta en þá tók Grindavík öll völd og náðu að knýja fram sigur. Haukastúlkur náðu ekki að sýna sitt rétta andlit í þessum leik og var eins og það vantaði smá stemningu í liðið og að pressan hafi verið of mikil. Liðið á nóg inni en ljóst er að þær þurfa að koma betur stemmdar í leikinn í Grindavík en þær gerðu í síðasta leik.
Liðið er nógu gott til að fara til Grindavíkur og ná í sigur, en þær þurf að koma ákveðnari til leiks en þær gerðu í leik nr. I.
Stelpurnar eru ákveðnar í því að komast aftur á sigurbraut og við hvetjum stuðningsfólk Hauka til að mæta vel á leikinn og styðja við bakið á stelpunum.
Áfram Haukar.