Leikur II. í úrslitum Dominos deildar kvenna verður í kvöld, mánudaginn 18. maí, kl. 19:15 í Hólminum og því má segja að Hólmurinn heilli í kvöld fyrir okkur Haukafólk.
Haukastúlkur unnu frábæran karakter og seiglusigur í fyrsta leik á laugardaginn þar sem Helana meiddist snemma í þriðja leikhluta. Stelpurnar sýndu gríðarlegan karakter og unnu sanngjarnan sigur. Pálína sýndi alla sína reynslu síðustu mínútur fjórða leikhluta er hún setti ævintýralegan þrist er um tvær mín. voru eftir og Snæfellingar búnar að minnka mun Hauka niður í eitt stig. Þessi karfa slökkti á Hólmurum og Haukar sigldu sigrinum í höfn.
Nú hvetjum við Haukafólk til að fá sér mánudagsrúnt í Hólminn og hvetja stelpurnar, en með sigri geta þær komist i verulega vænlega stöðu.
Áfram Haukar