Gríðarlega mikilvægur leikur er í kvöld, föstudaginn 11. nóvember, er ÍR kemur í heimsókn í Schenkerhöllina, en Haukar sitja eins og er í næst neðsta sætinu, því 11 og þurfa nauðsynlega á sigri að halda. Með sigri geta heimamenn skotist uppí 7 sætið í deildinni en deildin er ótrúlega jöfn og spennandi.
Haukarnir hafa verið sjálfum sér verstir í byrjun tímabils, hafa oft spilað ágætlega en kastað leikjunum frá sér í lokin. Haukarnir gerðu góða ferð vestur á Ísafjörð í bikarnum á mánudaginn og unnu þar öruggan sigur á Vestra. Fyrri hálfleikur var slakur af hálfu Haukamanna en þriðji leikhluti var griðarlega góður sem þeir unnu 36-7. Vörnin var grimm og sóknin hröð. Það er vonandi að strákarnir hafi fundið lausnina og sigurtilfinninguna og það muni nýtast þeim í leiknum í kvöld.
Við hvetjum alla sem vettlingi geta valdið að mæta á leikinn í kvöld og styðja strákana áfram. Sigur í kvöld er nauðsynlegur í jafnri og skemmtilegri Dominos deild.
Áfram Haukar.