Erla Sól Vigfúsdóttir, fædd árið 2003, hefur skrifað undir nýjan samning við knattspyrnudeild Hauka sem gildir til ársins 2023.
Erla, sem spilar jafnan sem miðjumaður eða varnarmaður, á að baki 22 leiki með meistaraflokki kvenna í deild og bikar en hún er hluti af ungum og efnilegum leikmannahópi sem hefur verið að spila með meistaraflokki kvenna síðustu tvö keppnistímabil. Þá á Erla að baki fimm leiki með U17 og U16 landsliðum Íslands.
Stjórn knattspyrnudeildar fagnar nýjum samningi við Erlu Sól enda bindum við miklar vonir við hana á komandi árum.
Erla Sól Vigfúsdóttir