Haukar mæta Fram í Lengjubikarnum í knattspyrnu í dag, miðvikudag, og fer leikurinn fram á Framvellinum í Úlfarsárdal kl. 20:00 (ath ekki í Safamýri). Síðasta leik Hauka í Lengjubikarnum sem vera átti gegn BÍ-Bolungarvík sl. sunnudag var frestað en framundan eru krefjandi leikir; gegn Fram, Selfoss og KR.
Framarar eru efstir í A deild karla, riðli 1, í Lengjubikarnum með 12 stig eftir fjóra leiki en Haukar eru í næst neðsta sæti með ekkert stig eftir tvo leiki. Leikurinn gegn Fram er því bæði afar krefjandi og mikilvægur sem og næstu leikir.
Við hvetjum alla Haukamenn til að fjölmenna á leikinn og hvetja okkar menn til sigurs. Gott að byrja að mæta strax á leiki okkar manna og hita sig upp fyrir spennandi sumar.