Eftir sárgrætilegt eins marks tap gegn sterku liði Fram í fyrsta heimaleik Haukastráka, er komið að næsta leik.
Í kvöld, fimmtudag, klukkan 19:30, sækja Haukar Gróttumenn heim á Seltjarnarnesið. Seltirningar eru nýliðar í deildinni en eru þrátt fyrir það skipaðir mörgum klókum handboltamönnum og verður þetta örugglega hörkuleikur.
Áfram Haukar!
Haukamenn heimsækja Gróttu á Seltjarnarnesið í kvöld, föstudag, í 6.umferð 1.deildar karla. Leikurinn hefst klukkan 20:00. Þetta er í annað sinn sem þessi lið mætast í sumar, en Haukar og Grótta mættust einnig á sama stað í Valitor-bikarnum þar sem Haukar höfðu betur 2-0.
Fjögur stig skilja liðin að í deildinni, Haukar hafa 10 en Grótta 6 stig. Þetta ætti því að vera nokkuð athyglisverður leikur en Gróttumenn hafa verið að sækja í sig veðrið í deildinni eftir dapra byrjun.
Við hvetjum Haukafólk að fjölmenna á Seltjarnarnesið í kvöld og hvetja strákana til sigurs.
ÁFRAM HAUKAR!