Topplið Iceland Express-deildar kvenna hefur leik í kvöld eftir jólafrí þegar þær sækja Fjölnisstúlkur heim.

Leikurinn hefst kl. 19:15 og fer fram í Íþróttamiðstöðinni í Grafarvogi.

Fyrri leik liðanna lauk með sigri Hauka 71-60.

Haukum hefur gengið allt í haginn í vetur og sitja stelpurnar á toppi deildarinnar með 10 sigurleiki af 11 mögulegum. Verður því spennandi að sjá hvort þær landi 11. sigurleiknum í kvöld.

Mynd: Helena Hólm og félagar í meistaraflokki kvenna spila í Grafarvogi í kvöld – Ásgeir Örn Jóhannsson

Meistaraflokkur karla mætir í kvöld Fjölni og er leikurinn í Íþróttamiðstöðinni í Grafarvogi.

Haukar er sem stendur í toppsæti 1. deildar karla ásamt Hamri og Val með fjóra sigra úr fyrstu fjórum umferðunum. Fjölnir er í 4. sæti með þrjá sigra og eitt tap og því er um sannkallaðan stórslag að ræða.

Leikurinn hefst kl. 19:15 og vonandi fjölmenna Haukamenn í kvöld.