Eftir góðan útisigur á HK í síðasta leik er komið að heimaleik gegn Fram en leikurinn hefst kl. 19:30. Strákarnir mættu Fram í 1. umferð mótsins og töpuðu naumlega með einu marki. Fram liðið er sem stendur á botni deildarinnar með 4 stig með 2 unna leiki og 6 tapaða en á leik inni gegn ÍBV. Okkar strákar eru núna í 6. sæti með 9 stig eftir 9 leiki. Hafa unnið 3 leiki, gert 3 jafntefli og tapað 3.
Eftir þessa 9 leiki er ljóst að þessi deild hefur sjaldan verið jafnari og mjög mikilvægt að hafa dagsformið í lagi fyrir hvern leik. Áhorfendur geta líka skipt sköpum og því mætum við öll á Ásvelli annað kvöld og styðjum okkar menn til sigurs.
Fyrir þá sem komast ekki á leikinn þá verður hann sýndur beint á Hauka TV. Slóðin er: http://tv.haukar.is/
Áfram Haukar!