Mikaela, Berglind, Elín og Vala valdar í yngri landslið í knattspyrnu

Fjórir leikmenn í knattspyrnudeild Hauka hafa verið valdir til að taka þátt í æfingum með yngri landsliðum kvenna sem fara fram í lok janúar.

Mikaela Nótt Pétursdóttir var valin í U19 ára landslið Íslands, Berglind Þrastardóttir og Elín Klara Þorkelsdóttir í U17 ára landsliðið og Vala Björk Jónsdóttir í U16 ára landsliðið.

Þær Berglind, Elín og Mikaela eru allar fæddar árið 2004. Elín og Mikaela eiga nú þegar að baki yfir 20 leiki með meistaraflokki kvenna í Íslandsmóti og bikarkeppni og Berglind 14 leiki. Þá spilaði Vala, sem er fædd árið 2005, sinn fyrsta leik fyrir meistaraflokk kvenna á dögunum en um var að ræða æfingaleik.

Knattspyrnudeild Hauka óskar stúlkunum innilega til hamingju með valið og óskar þeim góðs gengis.