Mikaela Nótt Pétursdóttir, leikmaður 3.flokks kvenna, hefur skrifað undir samning við knattspyrnudeild Hauka.
Mikaela Nótt, sem fædd er árið 2004, hefur komið við sögu í þremur leikjum meistaraflokks í sumar og hefur leikið eitt af lykilhlutverkum í sterku liði 3. flokks sem hefur tryggt sér þátttökurétt í fjögurra liða úrslitum í Íslandsmótinu og er komið í úrslitaleik bikarkeppni KSÍ.
Mikaela hefur auk þess leikið með U16 ára og U15 ára landsliðum Íslands á árinu og er nýkomin heim frá Víetnam þar sem íslenska liðið stóð uppi sem sigurvegari í fjögurra landa æfingamóti. Mikaela spilar oftast á miðju en einnig stundum í hjarta varnarinnar.
Knattspyrnudeild Hauka óskar Mikaelu til hamingju með samninginn og væntir mikils af henni í náinni framtíð.
Helga Helgadóttir, yfirþjálfari og annar þjálfari 3. flokks kvenna, og Mikaela Nótt Pétursdóttir við undirskrift samningsins.