Vilius Rašimas hefur gert samning við handknattleiksdeild Hauka um að hann spili með meistaraflokki félagsins næstu 2 árin. Vilius sem er 34 ára hefur varið mark Selfoss í Olísdeildinni undanfarin 4 tímabil.
Vilius er frá Litháen og á leiki fyrir landslið sitt. Hann hefur einnig leikið með liðum í Póllandi, Frakklandi og Þýskalandi á sínum ferli. Síðustu ár hefur hann verið einn besti markvörður Olísdeildarinnar og var m.a. valinn besti markmaður deildarinnar 2021. Það er því mikil ánægja með að fá Vilius í Hauka. Þar mun hann styrkja markvarðateymið ásamt því að miðla af reynslu sinni til yngri leikmanna.
Velkominn á Ásvelli Vilius!